|
Weihnachtsgedichte und
Weihnachtsverse |
|||
|
I ha ne schöni Chappe anne, |
Chumm, chlis Vögeli, zeig, wo
bisch ? |
||
|
|
|
||
|
Was isch so wyss und weich wie
Fluum ? Wen’s uf di fallt, so gspürsch es chuum ? Ligts fescht am Bode, de hingäge Isch’s für e Winterdport e Säge ! |
Me seit, i syg es luschtigs
Chnöpfli, Mit blonde Haar und zwöine Zöpfli. E grosse Wunsch a ds Chrischtchind han i: I wünsche mer e Bäremani ! |
||
|
|
|
||
|
Samichlous, du liebe Maa, Chumm, du musch es Müntschi ha ! I dym Sack, da hesch du dänk, O für mi es luschtigs Gschänk ? Du bisch doch e so ne Gute, Bringsch mer sicher e kei Ruete, Nume luter feini Sache ! Säg, chasch du o Güezi bache ? |
Am Fänschter blüet e Wienachtsstärn, Wo ds Mueti gschänkt bercho het färn. Nie hätt es dänkt, es brächt ne für, Im Chäller unde, näb der Tür, Doch, won es ne het ufegno, Sy roti Blettli fürecho ! Jetz blüeit er, s isch e wahri Pracht Und lüüchtet no, sogar ir Nacht ! |
||
|
|
|
||
|
Es grosses Brüel vernimmt me z Bärn, Es isch no lüter weder Färn ! D Studänte mit de wysse Chappe Tüe mit em Eseli umetrappe. Dä treit zwe grossi Chörb voll z Ässe, Kes Chind, wo brület, wird vergässe ! Der sächst Dezämber, so isch’s Bruuch, Wird all Johr gfyret – wenn o ruuch. |
Wytab vo allem Gstürm und Gschtank, Steit imne Rank e grüeni Bank. E chlyne Wäg füert drann verby... Im Wald e Spur, vo zwene Schy, S isch chalt und het e huuffe Schnee, Ringsume chame niemer gseh. Ganz i der Neechi suecht e Has Wo Hunger het und Gluscht, nach Gras. S isch müüselistill, me ghört kes Chind, Chly Schnee fallt ab de Böim vom Wind. D Luft isch no so, wi si sötti sy, So früsch und suber – schnuuf tief y ! |
||
|
|
|||
|
Lueg, was hänkt de da am Brunne ? Glitzeret und glänzt ir Sunne ? Gseht uus, win es glesigs Rüebli ? Säg mer’s gschwind, mys liebe Büebli ! |
|||
|
|
|
||
|
Es Ross steit müed im Strossegrabe, S het d Ouge zue, der Chopf hänkt abe, Der ganz Tag het es müsse traabe, Und i sy Stall darf’s ersch am Aabe. Derfür cha’s jetz es Zytli löie Uns Haber us sym Frässsack chöie. Ds Leitseili isch am Bock aabunde, Der Gutscher sitzt im Wietshuus unde. |
Der Föhn geit, es wird langsam wermer, Der Schneemaa chlynet und wird ermer. Sy Huet sitzt tschärbis uf em Chopf, Ar Rüeblinase hänkt e Tropf. Am Bode ligt der Bäsestiil Är isch ihm z schwär, är isch im z viil. We’s wyter föhnet, o herrje, Chasch morn der Schneemaa nümme gseh ! |
||
|
|
|||
|
D Schue rugge uf em herte Schnee, S isch byssig chalt und tuet eim weh, Der Huuch isch wyss, me cha ne gseh. D Hünd tüe eim leid und d Ross und d Reh. Der Winter macht sech breit bigoscht, Mit Ys und Schnee und Eind und Froscht. |
|||
|
|||
| WeihnachtsStartseite | Weihnachtsplätzchen | WeihnachtsShop | ADVENTSKALENDER |
 |
|||